Բարի Սամարացի

Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի հանդիսապետությամբ և ԿԳ նախարարության նախաձեռնությամբ հոկտեմբեր ամսին հայտարարվել էր «Ավետարանական առակները հայ դպրոցում» հանրապետական մրցույթ-փառատոն: Մրցույթը պիտի ընթանար 4 փուլերով` տարածքային, ընտրական, մարզային և հանրապետական: Դպրոցներին տրվեցին գրքեր, որտեղ զետեղված էին ավետարանական 12 առակներ: Կազմակերպիչները կամավոր սկզբունքներով պիտի ընտրեին մեկ առակ և բեմադրեին հարակից թեմաներով:

Մրցույթ-փառատոնին մասնակցության հայտ ներկայացրեց հանրապետության շուրջ 820 դպրոց:

Տավուշի մարզային փուլում հաղթած Կողբի №2 միջնակարգ դպրոցի (տնօրեն` Ա. Ղարագյոզյան) 10-րդ դասարանը և տարբեր դասարաններից ընտրված 5 աշակերտներ (թվով 22 աշակերտ)  հայոց լեզվի և գրականության ուսուցչուհի Հ. Ալեքսանյանի ղեկավարությամբ մասնակցեցին միջոցառմանը, որին մեծ ներդրում ունեցավ նաև ռեժիսիոր Ս. Մուրադյանը: Հաղթելով մարզային փուլում` Կողբի №2 միջնակարգ դպրոցը իրավունք ստացավ մասնակցելու հանրապետական փուլին, որը կայացավ   դեկտեմբերի 8-ին Մայր Աթոռ Սուրբ Էջմիածնի Հայորդաց տանը:

Դեկտեմբերի 16-ին Մայր Աթոռում կայացավ մրցույթ-փառատոնի մրցանակաբաշխության ցերեկույթը: Սիրով տեղեկացնում ենք, որ Կողբի №2 միջնակարգ դպրոցը արժանացավ «Բեմական յուրահատուկ լուծումներ» անվանակարգին` պարգևատրվելով պատվոգրով, հոգևոր գրքերով  և դրամական (100.000 դրամ) պարգևով:

    Նոր ուսումնական տարին սկսելով հաղթանակներով ու մրցանակներով՝ մեր սիրելի աշակերտներին մաղթում ենք նորանոր նվաճումներ կյանքի  տարբեր բնագավառներում: Տարեմուտի շեմին մաղթում ենք. թող իրենց իսկ հնչեցրած աղոթքներով ու Աստծո օրհնությամբ սկսվի 2015 թվականը՝ մատաղ սերնդի համար բացելով լուսավոր գալիքներ...

Պատանի Նկարիչ մրցույթ...

    Ս.թ. սեպտեմբերի 16-ից դեկտեմբերի 10-ն ընկած ժամանակահատվածում “NURCARD” կուտակային ծրագիրը և «Dasaran.am» կրթական ծրագիրը համատեղ հայտարարում էին «Պատանի նկարիչ» մրցույթը, որին կարող էին մասնակցել «Dasaran.am» կայքում գրանցված Հայաստանի Հանրապետության և Արցախի Հանրապետության հանրակրթական դպրոցների աշակերտները:

Մրցույթին մասնակցելու համար անհրաժեշտ էր ստեղծագործել ներքոհիշյալ թեմաների շուրջ`

• «Միասին մենք ընտանիք ենք»

• «Միասին մենք ընկերներ ենք»

• «Միասին մենք թիմ ենք»

  Կողբի N2 միջնակարգ դպրոցի մի շարք շնորհալի աշակեևտներ ևս իրենց մասնակցությունն ունեցան այս նկարչական մրցույթում: 6-8 տարիքային խմբում հաղթող ճանաչվեց Կողբի N2 միջնակարգ դպրոցի 7-րդ դասարանի աշակերտուհի`Մերի Յարալյանը, ով ներկայացրել էր իր նկարը <<Միասին մենք ընտանիք ենք >> թեմայով:

«Միասին մենք ընտանիք ենք» թեմայի շրջանակներում  հաղթանակած Մերի Յարալյանը պարգևատրվեց հեռուստացույցով և պատվոգրով:

                                                                                                               Լավագույն ընտանիք...

  

    Շնորհավորում ենք Մերի Յարալյանին նման հաղթանակի կապակցությամբ և ցանկանում նորանոր հաջողոթյուններ:

       Հոկտեմբերի 21-ին տեղի ունեցավ Ասմունքի հանրապետական փառատոն-մրցույթի 2-րդ՝ մարզային փուլը: Մարզային փուլին մասնակցելու համար տարբեր տարիքային խմբերում ընտրված 42 աշակերտների թվում էր Կողբի N2 միջնակարգ դպրոցի 8-րդ դասարանի աշակերտուհի Լիլիթ Մուսայելյանը: Մեր աշակերտուհին պատվով ներկայացրեց դպրոցը և 11-14 տարիքային խմբում զբաղեցրեց  առաջին պատվավոր տեղը:

Շնորհավորում ենք Լիլիթ Մուսայելյանին, մաղթում նորանոր հաջողություններ և հաղթանակ մրցույթ-փառատոնի հաջորդ՝  հանրապետական փուլում:

Զենքի արագ քանդում և հավաքում

Ռազմագիտություն առարկան պատկանում է այն առարկաների թվին, որոնք կոչված են աշակերտներին առարկայական գիտելիքներ տալուց առաջ զբաղվել նրանց բարոյահոգեբանական դաստիարակությամբ։

     Աշակերտները պետք է գիտակցեն, որ յուրաքանչյուր մարդ պետք է լինի ուժեղ, ունակ պաշտպանելու իր հայրենիքն ու ժողովրդին և  տիրապետի զենքին: 

Տավուշի մարզի Կողբի N2 միջնակարգ դպրոցում նոյեմբերի 12-ին  ռազմագիտություն առարկայի դասաժամին 8-րդ և 9-րդ դասարանների աշակերտների միջև . տեղի ունեցավ  մրցույթ :

      Մրցույթի ժամանակ աշակերտների առջև խնդիր էր դրված հնարավորինս արագ քանդել և հավաքել զենքերը:Աշակերտները պատվով կատարեցին առաջադրանքը, իսկ հաղթողներ ճանաչվեցին  8-րդ դասարանի աշակերտուհի Եգանյան Անուշը, ով զենքը քանդեց 26 վայրկյանում և հավաքեց 38 վայրկյանում,  և 9-րդ դասարանի աշակերտ  Ազատյան Հրայրը, ով 23 վայրկանում կարողացավ քանդել զենքը և 45-ում հավաքեց այն:

Լավ կլիներ ,որ բոլոր դրոցներում անցկացվեին նմանատիպ միջոցառումներ,որոնք դպրոցում դաստիարակում են հայրենասիրական ոգով տոգորված պատանի զինվորներ, որոնք մի քանի տարի անց պատրաստ են անձնվիրաբար ծառայել իրենց հայրենիքին...

Ա ՏԱՌԻ ՇՆՈՐՀԱՆԴԵՍ

Նոյեմբերի 18-ին Կողբի N2 միջնակարգ դպրոցի առաջին դասարանցիները  առավել մեծ ոգևորությամբ էին եկել դպրոց, իսկ առիթն առավել քան կարևոր էր՝ ծանոթություն մեսրոպյան այբուբենի առաջին տառի հետ:

Մեր դասվար Աննա Ազատյանի շնորհիվ, գիտելիքների խորհրդավոր աշխարհում Ա տառի մուտքը երեխաների և ներկաների համար վերածվեց հրաշալի տոնի:

Երեխաները գեղեցիկ բացիկներ  էին պատրաստել իրենց սիրելի մայրիկների համար, իսկ նրանք իրենց հերթին երեխաների համար պատրաստել էին  <<Ա>> տառի տեսքով համեղ թխվածքաբլիթներ: 

 Միջոցառմանը ներկա էին դպրոցի ուսուցիչները, երեխաների ծնողները: Աշակերտների շուրթերից հնչեցին երգեր, բանաստեղծություններ, հանելուկներ, <<Ա>> տառով սկսվող բազմաթիվ բառեր: Կազմակերպվեցին մի քանի մրցույթներ, որոնց ժամանակ աշակերտները աշխատում էին խմբերով: 

Մեսրոպաշունչ այբուբենը

Թող ձեզ համար աղոթք դառնա,

Ձեր մանկական նուրբ սրտի մեջ

Չքնաղ հեքիաթ թող սկսվի,

Եվ դուք դառնաք նոր հեքիաթի

Հայրենանվեր հերոսը այն,

Որ ապրում է` արարելով

Հանուն հայի ու մարդկության:

Դպրոցի մաքրությունը` աշակերտների ձեռքերում

    Շրջակա միջավայրի մաքրությունը կախված է յուրաքանչյուր անհատից: Հատկապես կարևոր է կրթօջախների մաքրությունը, որտեղ դաստիարակվում է ապագա սերունդը: Կողբի N2 միջնակարգ դպրոցում ավագ դասարանների աշակերտները մեծ ոգևորությամբ իրակացնում են մաքրման աշխատանքներ  դպրոցի տարածքում: 

Բացի դպրոցի շրջակա միջավայրի մաքրման աշխատանքներից, աշակերտները մշակում են  նաև դպրոցին պատկանող ջերմոցը: 

Հանդիպում "UWC Դիլիջանի" միջազգային դպրոցի աշակերտներ հետ...

  Հոկտեմբերի 31-ին Նոյեմբերյան քաղաքի մշակույթի կենտրոնում տեղի  ունեցավ հանդիպում "UWC Դիլիջանի" միջազգային դպրոցի որոշ աշակերտների և Կողբի N2, Նոյեմբերյանի N2 և Բերդավանի միջնակարգ դպրոցների աշակերտների հետ:

  

   Հանդիպմանը ներկա էին Ռուսաստանի, Լեհաստանի, Մալդիվյան կղզիների, Լատվիայի, Մեքսիկայի, Եգիպտոսի և այլ երկրների քաղաքացիներ: Հանդիպման ժամանակ նրանցից յուրաքանչյուրը ներկայացրեց իր երկիրը, մշակույթը:

 Հանդիպումն անցավ շատ ջերմ մթնոլորտում, երեխաներին հնարավորություն տրվեց ազատ շփվել արտասահմանից ժամանած հասակակիցների հետ և հղել իրենց հուզող հարցերը:

Մեղու. Հայերենը բոլորի համար

    Հոկտեմբերի 30-ին կայացավ  ''Մեղու. Հայերենը բոլորի համար'' մրցույթը, որին մասնակցում էին նաև Տավուշի մարզի Կողբի  N2 միջնակարգ դպրոցի 78 աշակերտներ: