ԲԱՐԻ ԵՐԹ ՁԵԶ, ՍԻՐԵԼԻ' ՇՐՋԱՆԱՎԱՐՏՆԵՐ

                                                Մնաս բարով, մանկություն, 
                                           Մնաս բարով, իմ դպրոց,
                                           Դուք միշտ բարով մնացեք,
                                           Ես գնում եմ դեպի կյանք:

Այսօր` 22.05.2015թ. Կողբի N2 միջնակարգ դպրոցում տեղի ունեցավ 2014-2015 ուստարվա շրջանավարտների վերջին զանգը: 

Շնորհավոր, սիրելի' շրջանավարտներ:

 

Գնա'... Ու թող քո ճանապարհին Արևը լինի քեզ ուղեկից...

ՀՐԱԺԵՇՏ ԱՅԲԲԵՆԱՐԱՆԻՆ

 Այսօր` 15.05.2015թ., Կողբի N2 միջնակարգ դպրոցի առաջին դասարանում յուրահատուկ տոն էր. առաջին դասարանի սաները <<հրաժեշտ տվեցին>> այբբենարանին: Նրանք իրնեց դասվար Աննա Ազատյանի հետ պատրաստել էին հրաշքներով լի մի միջոցառում` <<Նավարկություն դեպի գիտելիքների կղզի>> խորագրով: Ներկաները մի քանի րոպեով կարծես տեղափոխվեցին հեքիաթների աշխարհ: Հանդեսի ժամանակ երեխաները հանդես եկան տարբեր հեքիաթների հերոսների կերպարներով, նրանք պատմեցին, որ այս աշխարհում ամենակարևոր գանձերը գիտելիքներն են:

Միջոցառմանը ներկա էին բազմաթիվ հյուրեր` ծնողներ, դպրոցի ուսուցչական և աշակերտական անձնակազմը և այլոք:

Շնորհավորում ենք երեխաներին այս հիանալի տոնի կապակցությամբ և հատուկ շնորհակալություն ենք հայտնում Աննա Ազատյանին և Անահիտ Թամազյանին նման միջոցառում կազմակերպելու համար:

Իմ սիրելի այբբենարան,

Ամենաթանկ իմ գանձարան,

Այսօր տոն է, ուրախ 

հանդես.

Հրաժեշտ ենք տալիս մենք 

քեզ:

ՀՈՎՀ. ԹՈՒՄԱՆՅԱՆԻ ՍՈՒՏԱՍԱՆԸ ՀԵՔԻԱԹԸ 6-ՐԴ ԴԱՍԱՐԱՆՈՒՄ

Այսօր` 06.05.2015թ. Կողբի N2 միջնակարգ դպրոցի 6-րդ դասարանում տեղի ունեցավ Հոհվ. Թումանյանի <<Սուտասանը>> հեքիաթի բենականացումը: Սակայն այն փոքր ինչ տարբերվում էր բնօրինակից: Հեքիաթը մատուցվեց ժամանակակից մոտեցումով: Աշակերտները իրնեց դասղեկի` Ա. Հարությունյանի, Ա. Թամազյանի և Սասուն Մուրադյանի հետ միասին պատրաստել էին հիանալի միջոցառում: Բոլոր ներկաները մեծ բավականություն ստացան միջոցառումից: Շնորհավորում ենք թե' աշակերտներին, թե' կազմակերպիչներին, և ակնկալում նորանոր միջոցառումներ: